Luke 20

Ee To Hi E Ieesuß Pan, A Teß To Heß Voh Poan O Kikis

Matiu 21:23-27, me Mak 11:27-33

1O pöh poen ne Ieesuß to vavaasis non a ma napan varih to vaman ne poë, eß he vatvus non a Soe Vih manih koman a Iuun Hinhin Apuh pa ö vëh mahën. Ko teß susunön ësës heß, me ro teß vavaasis to nat ne o Vavaasis pe Mosës, me ro teß susunön po Jiuß nö ee maß manih peß. 2Pare soe ke Ieesuß pan, “Soe ka möm ah, a tasun taeah nën to teß me nom parën nonok nom a ma kiu varih? Eteh to heß a oah a tasun pamëh?”

3Ke Ieesuß piun a soe pee, pareß soe pan, “Eöß me se hi voh a neöm a siß pah hi ro, soe ka neoß öm, 4a tasun vëh pa pupui a napan ne Jon Tövapupui to heß voh, taneß maß pe Sosoenën, keß, eß taneß maß manih pa napan ah?”

5Kee vaiihi koman e ne pan, “Ea se poß soe ataeah? Ea se keh soe pan, ‘Eß to taneß maß pe Sosoenën,’ eß se soe en pan, ‘Vahvapoß nih ka hikta vaman no e Jon?’ 6Ka se keh soe pan, ‘Eß to taneß maß pa napan, a napan kurus varih se tösvös ee pea, suk ataeah, ee to vaman rakah voh ee pe Jon a teß vanënën soe.” 7Ivëh, kee piun va in a soe pe Ieesuß manih pan, “Emöm to hikta nat nem, a pupui vëh pe Jon taneß voh maß peteh?”

8Ke Ieesuß soe ke raoe pan, “Eöß me to hikta se vatët a noß neöm a tasun nöß to teß me noß pa nok a ma tah varih.”

A Soe Vapipinoß Va Pa Nap Hat To Matop Ne A Rak Voaën

Matiu 21:33-46, me Mak 12:1-12

9Ke Ieesuß heß a soe vapipinoß manih pa napan, pareß soe pan, “A pah teß to nep a voaën manuh pa rak peß. Pareß heß a napan varih to iu kiu moniß ne, kee matop ke ne poë, eß hehnö ko teß varë e non maß pa vöön varo. 10Ko poen no a voaß to vamatop e ne pa oes, ke tövaneah pa rak vanö en maß pa pah teß kikiu peß, keß nö en manuh pa napan varih to matop ne pa rak voaën. Eß to iu non a ö nee se heß maß poë ta ma teß voaß voaën va pa rak pamëh. Ivëhkëk, a ma teß kikiu va pa rak to ip a teß pamëh, pare vanö akuk hah ee maß peß. 11Keß vanö hah en pa meh teß kikiu peß. Eß me no a nap kiu varih pa rak to ip vapoet ee peß, pare vanö akuk hah ee maß peß. 12Keß vanö en pa vakön teß kikiu manih pee. Ivëhkëk, ee to ip vahat poë, pare veo tavus ee peß.

13Ivëh, ke tövaneah pa rak soe en pan, ‘Eöß se nok poß ataeah? E sunaißneoß nöß to iu oah noß eah, eöß se vanö eah. Eße se pöß tënan poë pare ta e ne peß.’ 14Ivëhkëk, a napan varih to kiu ne pa rak to ep in e koaß oeteß peß pare vasoe ee pan, ‘A teß vëh eß se vaneah amot a ma tah pe tamaneah. Ep öm ka ip eah, para vaneah varuß e no pa rak vëh.’ 15Kee öt poë, pare vi tavus këh ee maß peß pa rak voaën, pare ip vamët ee peß.

Ke tövaneah pa rak voaën se poß nok ataeah manih pa napan varih to ip e koaß peß? 16E tövaneah pa rak voaën se nö maß, pareß ip vamët a napan varih to matop ne pa rak, pareß heß a rak voaën manih po upöm teß.” A napan to pënton a tah vaßih, pare soe pan, “E Sosoenën to hikta se vaonöt non a tah pamëh se tavus.”

17Ivëhkëk e Ieesuß to kuteß rakah non pee pareß soe pan, “A pusun in a soe vapipinoß vaßih to teß non komön o Puk Vaëhëh, to teß va non manih pan,

‘A vös vaßih no a nap ekeok to vi tavus in,
to tavus en a vös vamomoaan vëh to toon vakis non a iuun.’ ^a
18A teß se keh vuß po toon pamëh eß se tatape rakah en, ko toon se keh vußtöön ta pah teß, eß se kakaaroe rakah en.”

19Ko teß vavaasis to nat ne o Vavaasis pe Mosës me ro teß susunön ësës heß to nat e ne pe Ieesuß to heß a soe vapipinoß vëh to huh rakah e non pee. Ivëh, kee kehkeh öt e ne pe Ieesuß, ivëhkëk, ee to nanaöp e ne pa napan.

O Teß Nat To Hi E Ieesuß A Taateß Va Pa Heß Takis Manih Pe Sisaß

Matiu 22:15-22, me Mak 12:13-17

20Ko teß vavaasis to nat ne o vavaasis pe Mosës, me ro teß susunön ësës heß to ut ne e Ieesuß, pare vanö maß a ma meh teß kee ut aven ne e Ieesuß. A ma teß poë varih to piuk pan ee ro teß vih. Ee to kehkeh punöß ne e Ieesuß pa soe peß, pan eßeß se soe vapiun ta tah, kee se öt poë ko me manuh pa koreero teß apaßpuh va pa kaman ko vateß poë po vahutët. 21Pare hi poë pan, “Apuh, emöm to nat e nem a soe me a tah nën to vavaasis nom sih to totoopin manih pa ma napan. Parën hikta nat nom pa naöp manih pa ëhnan apuh pa teß, ahik, eën to vavaasis nom sih a ma napan a soe vih pe Sosoenën. 22Soe ka möm ah, eß vih kës e non pea pa heß a takis manih pe Sisaß, keß a hik?”

23Ivëhkëk e Ieesuß to nat vur en po vakëën nee to nok manih peß, ivëh keß soe ke raoe pan, 24“Vataare a neoß öm ta pah moniß. A ëhnan me o kahoß peteh vëh to teß non pa moniß vëh?” Kee piun e Ieesuß, pare soe pan, “Pe Sisaß.”

25Ke Ieesuß soe ke raoe pan, “A tah to vaneah non pe Sisaß nöm se heß e Sisaß. Ka tah to vaneah non pe Sosoenën nöm se heß e Sosoenën.”

26Ivëh, kee hikta onöt ne a öt poë manih pa matëëra napan. Ee to pah kokoman vörep e ne pa soe ne Ieesuß to piun raoe, ko pah vasup rakah ee.

Ee To Hi E Ieesuß Pa Mët Me Sun Hah Pa Teß

Matiu 22:23-33, me Mak 12:18-27

27Ko Sëdiusi, ee o kum teß to hikta vaman ne pan a nap mët se sun taneß hah ee manih po vapeepe, to nö ee maß manih pe Ieesuß. 28Pare hi e Ieesuß pan, “Apuh, e Mosës to kiun voh ka ra a taateß to soe va non manih pan, ‘Ta pah teß se keh mët akuk eß hikta vatvus ta pah koaß manih pe köövo peß, ke kea peß me hah e köövo amop peß, pareß vatvus a koaß se kon a ëhnan e kea peß.’ 29A tönim kën tom mahin me a pöök to teß voh ne. A teß a vamomoaan to vaen, pareß mët en a hikta koaß peß. 30Ka vapöök me en pe köövo, 31ko vasuksuk no a vakön kea pee to nok va en nën, ivëh ka tönim me ra pöök kën tom mahin vameeme petpet voh e ne pe köövo pamëh, pare mët ee a hikta koaß nee to vataman. 32Po vasuksuk ne köövo pamëh to mët pet en. 33Ko poen no a nap mët se sun hah, e köövo pamëh se teß poß non e köövo rakah peteh? A kën tom mahin to me voh poë vamanih pe köövo pee.”

34Ke Ieesuß piun raoe, pareß soe pan, “O teß oeteß me o köövo va kuru to vavaen e ne. 35Ivëhkëk, a napan varih ne Sosoenën to soe a ö nee to onöt e ne pa sun hah ko kon o toßtoß va amot, o teß poë varih hikta se vavaen hah ne. 36Ee to teß va ne manih po ankeroß pe Sosoenën, pare hikta onöt ne a mët. E Sosoenën to kuin taneß hah raoe po vapeepe, ivëh, kee teß e ne a ma koaß pe Sosoenën. 37E Mosës me to vataare voh en pea pan a nap mët to susun hah e ne, manih po vahutët vëh neß to kiun suk voh a ö no suraß to ësës non o naon, pareß soe pan,

‘E Sunön,
eß e Sosoenën pe Abraham,
me eß e Sosoenën pe Aësak,
me eß e Sosoenën pe Jekop.’ ^b
38Ivëh, ke Sosoenën hikta teß non pan, eß e Sosoenën pa nap mët. Ahik. Eß e Sosoenën pa nap toßtoß. Manih peß, a napan kurus to teß toßtoß ne.”

39E Ieesuß to soe va nën, ka ma teß vavaasis to nat ne o Vavaasis pe Mosës piun a soe peß pan, “Apuh, a soe pën to paraß vih.” 40Kee naöp e ne pa hi hah e Ieesuß ta ma meh hi.

E Ieesuß To Hi O Parësiß, Pan E Kristo Eteh

Matiu 22:41-46, me Mak 12:35-37

41Ivëh, ke Ieesuß soe ke raoe pan, “Vahvanih kee sosoe ne pan, e Kristo e koaß pe Devit? 42Ka manih po Puk Vahëh, e Devit koman to soe vavoh manih,

‘E Sosoenën to soe ke Devit pan,
“E Kristo e Sunön pën.”
‘Ke Sosoenën sosoe avoeß ke non pe Kristo pan,
“Ihoß ah manih pa papmatö peöß,
43ko teß nom nën keß onöt po poen nöß se vahoß o teß varih to vakihat me a nom oah manih paan a matop pën.” ’ ^c
44E Devit to popokaß non sih e Ieesuß Kristo e Sunön, ivëh, ke Kristo hikta teß varoe non pan eß e koaß pe Devit. Ahik! Eß to teß me e non e Sunön peß.”

A Nap Nat Pa Taateß To Nonok Ne A Ma Taateß Hat

Matiu 23:1-36, me Mak 12:38-40, me Luk 11:37-54

45A ma napan kurus rakah varih to teß ne to pënton ne a soe pe Ieesuß. Keß soe ke ro vamomhë peß pan, 46“Eöm se matop vavih nem po teß vavaasis to nat ne o Vavaasis pe Mosës. Ee to iu rakah ne o ohop rë vih ne se ohop, pare nönö vah me ne. Ee to iu rakah ne pan a napan se soe potan avih manih pee pa ma ö totoaan. Pare iu rakah ne a ihoß pa ma ö ihihoß po teß susunön manih koman a ma iuun hinhin soneß, ko iu rakah ne a ö ihihoß vavoh manih po vaënëën apuh. 47Ee to vavakëën ne sih o köövo amop, pare kakaveo ne a ma moeh tah pee. Pare pikpiuk ne sih pa nok a ma hin rë. Manih po poen nee se teß po vahutët, a pap napan poë varih se kon o kamis o pöh apuh oah rakah.”